في حالة النصب التجاري اتبيعي نصائح المحامي
--------------------------------------------------------------------------------
السلام عليكم ورحمة الله وبركاته
نقلت لكم هذا الموضوع واتمنى لكم الاستفاده
واليكم نصيحة المحامي المختص
بسم الله الرحمن الرحيم
الأخت / ...
انا جبت لكم خبر من واحد خبير في المحاماة وله تجارب ناجحه ويقول عليك اتخاذ الاجراءات التالية:
1- روحي للصراف وكأنك بتحولين فلوس لها راح يطلع اسم ثلاثي لصاحب الحساب وبعد ماتاخذين الاسم اضغطي على زر الإلغاء علشان مايتحول لها شيء.
2- أسألي البنك عن الفرع اللي هو فيه ورقم الفرع هو اول ثلاث ارقام من اليسار.
3- اسالي البنك عن اسمه وكامل بيناته من رقم ثابت وجوال عام ورقم الهوية واذا ماتعاونوا معك اطلبي من المحكمة خطاب للبنك وراح تتيسر الامور.
4-قدمي خطاب شكوى للمحكمة واكتبي فيها الموضوع واهم شيء (((اكتبي طلباتك منها ))) للقاضي .
5-غالبا رقم الحساب مو لها ولا لأحد اقاربها واحتمال صديق لها وفي هذي الحالة المحكمة اذا جروه هو راح يجرها واذا جرها بلغي الهيئة وراح يسحبون في تاريخهم الاثنين ومن الفواتير تبين اتصالاتهم ببعض.
6-ارسلي لها على الخاص صورة خطاب المحكمة وارسلي لها على العام طلباتك وهي : الغرض الي كنتي تبين تشتريه منهاماتقولي ابي فلوسي لالا سمي الغرض وبالمواصفات اللي بينكم لأن البيع قد تم وهذا حقك علشان تتأدب هي وغيرها وإذا الغرض ماله مواصفات بالاتفاق اللي بينكم فاطلبي فلوسك لأن البيع على شيء مجهول الوصف لأنها ربما تعطيك الغرض قديم ومستعمل مايسوى حتى درهم
7-هدديها بنشر الاسم الثلاثي الحقيقي والبنك ورقم الفرع ورقم الحساب على جميع الاقسام وعلى موقع (الساحات العامة) من باب التحذير وليس من باب الفضيحة.وحتى لو الغت الحساب القديم يبين انه باسمها او اسم قريبها او صديقها.
وإبلاغ البنوك بفاكس او ايميل للتحذير من هذا العميل ويخلونه او يخلونها بالقائمة السوداء ونسخه للغرفه التجارية.على الاقل حتى لو مارجعت فلوسك تبرد حرتك وكذلك علشان ماتسكتين على منكر.
8- لاتسامحينها ابدا لقول الله تعالى (( فمن عفى وأصلح)) ولم يقل فمن عفى وأفسد.. لأن سماحك لها راح يخليها تتمادى . ولازم تصير عبره لغيرها.
ومن يتوكل على الله فهو حسبه؛؛؛
اتمنى لكن الأستفادة